Жасөспірім қыздарға арналған Technovation Girls бағдарламасына қабылдау ашылды

Қазақстанда Technovation Girls халықаралық бағдарламасына қабылдау әлі де жалғасуда. Бағдарлама ақпараттық технологияларды меңгеруге, жобаларды басқару және IT-кәсіпкерлік дағдыларын меңгеруге қызығушылық танытатын 8-18 жастағы қыздарға арналған. Бағдарламаның негізгі мақсаты — қыздарға IT әлеміне қызығушылықты арттыру және технологиялар әлемді жақсарту үшін тамаша құрал бола алатынын көрсету.

Technovation Girls бағдарламасы 2016 жылдан бері Қазақстанда жұмыс істейді. Осы уақыт ішінде оған 1400-ден астам қыз және 550-ден астам ментор-еріктілер қатысты. Қазақстаннан келген командалар алты рет Technovation Girls-тың финалистері болып, АҚШ-тағы Дүниежүзілік саммитте өз елін танытты. Бағдарлама қатысушылары жасаған жобалардың арасында - жергілікті билікпен оперативті байланыс жасайтын қосымша, қалдықтарды сұрыптаудың негіздерін үйрену үшін кеңейтілген шындық ойыны, қауіп туындаған жағдайда координаталарды дереу жіберу үшін қосымша, таулар арасындағы бағдарламалар-нұсқаушылар және инсульттан кейін қалпына келуге көмектесетін қосымша бар.

Бағдарламаның негізгі кезеңі қаңтардың ортасынан сәуірдің соңына дейін 12 аптаға созылады.

Қатысушылар командаларға бірігіп, тәлімгерлердің басшылығымен белгілі бір қоғамдық мәселені шешуге көмектесетін қосымша әзірлеуі керек. Мамыр-шілде айлар аралығында төрешілер жобаларды бағалап, қорытындысын шығарады. Әлемнің түкпір-түкпірінен 15 финалист-команда таңдалады, олар қазан айында өтетін Сан-Францискодағы Technovation Girls Дүниежүзілік саммитіне шақыру алады.

«Осы жоба арқасында көптеген мектеп түлектері математика, бағдарламалау, инженерия және жаратылыстану ғылымдарына қатысты мамандықтарды таңдайды деп үміттенеміз. Мүмкін қазіргі қатысушылардың бірі болашақта маңызды ғылыми жаңалық ашады, ал біреуі тек Қазақстанда емес, бүкіл әлемде танымал болатын стартапты іске қоса алады», - дейді Арман Шокпаров, Technovation girls Kazakhstan елшісі және "Kinergy" ҚҚ қамқоршылық кеңесінің мүшесі .

Technovation Girls бағдарламасының қатысушылары қосымша әзірлеу барысында код жазуды үйреніп, өз жобалары үшін бизнес-жоспар құрып, питч дайындауды үйренеді. Сонымен қатар, олар көптеген «икемді дағдыларды», мысалы, көпшілік алдында сөйлеу шеберлігі мен командада жұмыс істеу қабілетін дамытуға мүмкіндік алады. Негізгі кезең барысында саланың шақырылған сарапшылары қатысушылар үшін әртүрлі тақырыптарда шеберлік сабақтарын өткізетілетін болады.

Бағдарламаға қатысу үшін 2024 жылдың 31 қаңтарына дейін technovation.kz веб-сайтында өтініш қалдыру керек. Қатысушыларға қойылатын негізгі талаптары - жасы 8-ден 18 жасқа дейін, технологияларға деген қызығушылық және қоғамдық мәселелерді шешуге үлес қосуға деген ниет. Ағылшын тілін білу және бағдарламалау дағдылары міндетті емес.