«Сиқырлы ойлау» дегеніміз не және онда сиқыр бар ма
«Бұл жағдай бір кезде біреуді ренжіткенімнен болды». «Егер ертерек келгенімде, бәленің алдын алуға болар еді». Барлығымыз да...
Интернетте Facebook, Google сияқты компаниялар қолданушылардың қызығушылығына сай жарнама көрсету үшін «тыңшылық функцияларын» пайдаланады деген деректер көп. Соңғы уақытта адамдардың өзара әңгімелесіп отырып, артынша телефонындағы мобильді қосымшаларға кіргенде әңгіме барысында аты аталған тауарлардың жарнамасына кезігетіні туралы видеолар тарай бастаған. Wandera компаниясының киберқауіпсіздік саласы мамандары бұл тақырыпта арнайы зерттеу жүргізіп, қолданушылардың алаңдауына негіз жоғын анықтады.
Зерттеушілер Samsung Android және Apple iPhone телефондарын 30 минут бойы мысық пен итке арналған тамақ туралы аудиожарнама қосылған және мүлде дауыс естілмейтін тыныш бөлмелерге қойып, тәжірибе жасап көрген. Зерттеушілер әртүрлі бөлмедегі телефондардың Facebook, Instagram, Chrome, Snapchat, YouTube және Amazon қосымшаларын әдейі ашық қалдырған.
Тәжірибе уақыты аяқталғанда зерттеушілер телефондағы барлық платформалар мен веб-парақшалардан ит пен мысыққа арналған тамақ туралы жарнама іздеген. Үш күн бойы қайталанған тәжірибе қорытындысы аудиохабарлама қосылған бөлмедегі телефонда үй жануарларына арналған тамақ туралы бірде-бір жарнама кездеспегенін көрсетті.
Wandera компаниясының жүйелік инженері Джеймс Мак «Біздің тәжірибе кезінде жазылған деректер көлемі виртуалды көмекшінің (Siri немес Alisa) 30 минутта жазған деректерінен әлдеқайда аз болды. Телефондағы мобильді қосымшалар қолданушылардың әңгімесін жазып, бұлтқа жүктеп отырса, бұл процес кезіндегі деректер көлемі виртуалды көмекшінің көрсеткішімен бірдей болар еді» деп түсіндірді.
Мамандардың пікірінше, алпауыт техника компанияларының қолында біз туралы жеткілікті дерек болғандықтан, оларға қолданушылардың әңгімесін тыңдаудың қажеті жоқ. Сарапшылар геолокация, интернетте қараған деректер тарихы сияқты мәліметтердің өзі қолданушының қызығушылығын дәл табатын жарнамалар көрсетуге жеткілікті екенін, ал мұндай технологиялар күн сайын жетілдіріліп отыратынын айтады.
Өткен жылы маусымда АҚШ-тың Массачусетс штатындағы Солтүстік-Шығыс университетінің зерттеушілері Android-қа арналған 17 000 мобильді қосымшаны тексеріп, «қолданушылардың өзара сөйлескен әңгімелері телефонға жазылады» деген болжамдарға дәлел таба алмаған.
Получай актуальные подборки новостей, узнавай о самом интересном в Steppe (без спама, обещаем 😉)
(без спама, обещаем 😉)