ZAO мобильді қосымшасы неге «қауіпті»?

1 минута Динара Тілеубек
ZAO мобильді қосымшасы неге «қауіпті»?

Қолданушыларға фильм актерлері мен TV кейіпкерлері бейнесінің орнына өз кескінін қойып, видео жасауға мүмкіндік беретін ZAO мобильді қосымшасы бірнеше күн ішінде Қытайдағы ең танымал бағдарламаға айналды. Мобильді қосымша deepfake технологиясы негізінде көз, ауыз мен бетәлпетінің қимылы жазылған селфилерді пайдаланып, қолданушыны әртүрлі мазмұндағы контент кейіпкері етіп шығаратын видеолар ұсынады.


Deepfake – жасанды интеллект арқылы адам бейнесін синтездеу әдісі. Технология көмегімен кез келген фото немесе видеоматериалдың үстіне басқа бейнені қойып, шынайылыққа барынша жақын анимациялық видеолар жасауға болады.

ZAO қосымшасына қарсылық білдірушілер deepfake технологиясы жалған видеолар жасау, сайлау қорытындысына әсер ету, басқаларға жала жабу, жалған ақпарат тарату мақсатында қолданылуы мүмкін деп алаңдайды.

ZAO – Tinder–дің қытайлық баламасы Momo Inc қосымшасын шығарған компанияға тиесілі кезекті жоба. Momo Inc – АҚШ–тың ең ірі қор биржаларының бірі Nasdaq тізіміне кірген компания.

Жексенбі күні компания өкілдері қосымшаның қауіпсіздік саясатына қарсы айтылған сын пікірлерге жауап берді. Компанияның ресми мәлімдемесінде «Біз ақпарат құпиялығына алаңдаған азаматтарды жақсы түсінеміз. Сынпікірлерді негізге алып, бұрын ескермеген кемшіліктерді түзетуге тырысамыз. Бірақ бұған уақыт керек» делінген.

Мобильді қосымшаға қарсы айтылған сыннан кейін ZAO–ның танымалдылығы бұрынғыдан да арта түсті. Қыркүйектің екісі күні Қытайдағы қосымшалар нарығынан ақпарат беретін App Annie провайдері ұсынған дерекке сәйкес, ZAO тегін қосымшалар ішінде жүктелім саны бойынша көш бастап тұр. 

Кең көлемде жалған ақпарат таратуға қатысты қоғам алаңдаушылығы 2016 жылы АҚШ–та өткен президент сайлауынан кейін арта түскен. АҚШ–та жүргізілген зерттеулер  2016 жылғы президент сайлауында жалған ақпарат көп болғанын анықтаған.

Маусым айында Facebook компаниясының атқарушы директоры Марк Цукерберг deepfake видеоларын жалған ақпараттың жаңа санатына жатқызып, мұндай видеолармен күресу жолдарын қарастырып жатқанын мәлімдеген. 

Статьи STEPPE

Топ емес, жанұя: ALPHA-ның шынайы тарихы

Топ емес, жанұя: ALPHA-ның шынайы тарихы

Альфа — грек әліпбиінің алғашқы әрпі. Альфа болу бүкіл саладан бәрінен мықты болып шығу деген сөз емес, бұл өз өміріңде өзің...

9 минут
9 минут
Біз білетін ұшқыш Хиуаз Доспанова шын мәнінде қандай тұлға болды?

Біз білетін ұшқыш Хиуаз Доспанова шын мәнінде қандай тұлға болды?

Соғыс батыры-Хиуаздың ұлы Ерболат Амиров әңгімесі. Биыл — Ұлы Жеңістің 80 жылдығы. 9 мамырда әлемнің түкпір-түкпірінде,...

3 минуты
3 минуты
Қазақ тіліндегі жаңашыл подкасттар: тың мазмұн, жаңа форматтар

Қазақ тіліндегі жаңашыл подкасттар: тың мазмұн, жаңа форматтар

Кейінгі жылдары қазақ тіліндегі подкаст индустриясы айтарлықтай жанданып келеді. Көбінесе әлеуметтік желі мен YouTube алаңында...

3 минуты
3 минуты
Алматы халыққа арналған қала ма? 10 жылға болжам

Алматы халыққа арналған қала ма? 10 жылға болжам

Кейінгі онжылдықта Алматы қаласында урбанистикаға деген көзқарас түбегейлі өзгеріп келеді. Бұрын урбанистика десе — жол, көлік,...

7 минут
7 минут