Зумерлер — цифрлық дәуірде дүниеге келген жас ұрпақ. Олардың жеке ойларын жеткізу тәсілдері де өзгеше — сөздік қорларында кейде өздеріне ғана мәлім ерекше сөздер кездеседі. Қазіргі ұрпақтың сөйлеген сөздері аббревиатура, мемдер және басқа тілден енген сөздер — сленгтерге — толы. Осылайша олар әркімге түсінікті бола бермейтін өзінше бір бөлек тілді қолданатынға ұқсайды. Қазіргі уақытта зумерлер арасында кең таралған сөздер қандай және олардың не мағына білдіретінін осы шолуда айта кетеміз.
Ағылшын тілінен аударғанда, crush «сындыру» деген мағынаны білдіреді. Зумерлер ессіз ғашық болған, қарапайым тілмен айтқанда, «жақсы көретіп қалған» адамын осылай атайды. Сондай-ақ, оларға шынымен ұнайтын атақты адамдар мен кейіпкерлерге де байланысты «краш» деп айтады.
Бұл сөз ағылшын тілінде, «бүрсу, түксию» деген мағынаны береді. Біреу үшін қатты ыңғайсыздық пен ұят сезінген кезде сәтті қолданатын сөздердің бірі. Былайша айтқанда, «испандық ұят» сөзінің синонимі болып табылады. Көбінесе, «не деген кринж» деп, адамдардың оғаш мінез-құлқы немесе жүріс-тұрысына байланысты айтылады.
Point of view сөзінің аббревиатурасы, POV «көзқарас» деп аударылады. Автор немесе мем кейіпкері, болып жатқан жағдайды немесе қандай да бір басқа оқиғаны қалай көріп тұрғандығын білдірген кезде айтылатын, қысқартылған сөз. Мысалы, POV: сен зумерлердің айтып жатқан жарты сөзін түсінбей отырсың.
Ағылшынша ROFL «күлкіден еденде домалау» дегенді білдіреді. Мұны, мысалы, адам ойланбастан, байыпсыз, шындап емес, тек жай күлкі үшін ғана айта салғанын түсіндіру үшін қолданады. Мысалы, «рофлмен айтып тұрсың ба?» деген кезде, «ойнап айтқаның ба?» деп түсінуге болады.
Ағылшынша scamming «алаяқтық, айлакерлік» деген мағына береді. Бастапқыда бұл сөз желіде интернет-алаяқтықтың белгілі бір түрлеріне қатысты қолданылған. Мысалы, криптовалюталармен немесе инвестициялармен алаяқтық жасаған кездері, осы сөз кеңінен тарап кеткен. Дегенмен, қазіргі кезде зумерлер бұл сөзді жай ғана «алдау» мағынасында ирониялық түрде айтады.
Vibe сөзі, көптеген сленгтық сөздер сияқты ағылшын тілінен енген «атмосфера» деген мағынада қолданыс тапқан. Ол белгілі бір эмоционалды фонды немесе қандай да бір көңіл-күйді білдіретін сөз. Мысалы, «сенімділік әсерін тудыратын адам» немесе «сенімділік вайбтарын беретін адам» деп айтқан кезде, сөйлемнің мағынасы өзгермейді.
Ағылшын тілінен to force «күштеу» дегенді білдіреді. Белгілі бір ақпаратты, жаңалықтарды, оқиғаларды немесе мемдерді мүмкіндігінше кең аудиторияға жеткізуге тырысқан кездегі көрініс осы forcing сөзімен түсіндіріледі.
Бұл улы, зиянды адамды сипаттаған кезде айтылатын сөз. Бұл сленг ағылшынның toxic сөзінен шыққан — «улы орта», «улы қарым-қатынастар», «улы әзіл» деген сөз тіркестерінен кездестіруге болады. Бұлардың барлығын зумерлер toxic деген бір сөзбен-ақ сипаттай алады. Сөзімен, іс-әрекетімен, тіпті мимикасымен өзгенің өмірін улауға тырысатын адамдарды сипаттайды.
Ағылшын тілінен shame «ұят» деп аударылады. Көпшілік алдында айыптау, біреуді кінәлау кезінде айтылатын сөздердің бірі. Әдетте, біреуді әділетсіз, айыптауға тұрарлық емес зат үшін ұялтқан кездерге қатысты зумерлердің өз ойын білдіргенде shaming сөзін қосатынын естуге болады.
Ағылшын тілінен bullying «қорқыту, қорлау» деп аударылады. Адамдардың бір-біріне агрессивті қараған, зорлық көрсеткен жағдайлар туралы айтқан кезде, осы сөзді жиі кездестіруге болады.
Получай актуальные подборки новостей, узнавай о самом интересном в Steppe (без спама, обещаем 😉)
(без спама, обещаем 😉)
