Суретшілер Атырауда өтетін жазғы резиденцияға өтініш берудің бірегей мүмкіндігін пайдалана алады

YEMAA Қазіргі заманғы мәдениет орталығы 29 мамырдан бастап Атыраудағы YEMAA суретшілер резиденциясына қатысуға ниет білдірген суретшілерден өтінімдерді қабылдай бастайды. Бұл кеңістікте Қазақстанның түкпір-түкпірінен жас суретшілер заманауи өнер әлеміне үңіліп, дәрістер, шеберлік сабақтары және далада өткізілетін қызықты зерттеулер сериясы арқылы био-өнер тақырыбын өзара талқылау үшін жиналады. Бағдарлама 28 шілдеден 28 тамызға дейін жалғасады және биылғы жылы резиденцияның тақырыбы «Бесінші элемент» болмақ.

---

Атыраудағы YEMAA Artist резиденциясын автор ретінде Әсел Ахметжанқызы және продюсері Малика Уразғалиева басқарады. Кураторлық жұмыс Әсел Ахметжанова мен Әсел Мұқашеваға жүктелген. Лаура Родригес, био-арт маманы және постгуманизм, молекулалық материя және болмыстың философиялық аспектілері бойынша зерттеуші, тәлімгер ретінде резидентураға қатысады.

Лекторлар: 

• Дмитрий Мельников — еуразиялық зерттеулер магистрі (Nazarbayev University), философия магистрі (Л. Гумилев атындағы Еуразия ұлттық университеті), қазір Амстердам Еркін Университетінің (Нидерланд) дінтану және теология факультетінде ғылым кандидаты.
• Даурен Калиаскар — Альберта университетінің топырақтану магистрі, зерттеуші және топырақтану тарихы, философиясы және әлеуметтануы комитетінің мүшесі (Америка топырақтану қоғамы, 2020-2022).

Философ, философия ғылымдарының докторы, Л.Н.Гумилев атындағы Еуразия ұлттық университетінің философия кафедрасының профессоры Күлшат Медеуова резиденцияның шабыт пен дем беруші. 

Резиденцияның кураторлары Әсел Ахметжанова мен Әсел Мұқашева биоөнер Қазақстанда әлі кең таралмағанын, сондықтан «Бесінші элемент» жаңа нәрселерді зерттеп, байқап көруден және қателіктер жіберуден қорықпайтын эксперимент екендігін атап өтті.

Ұйымдастырушылар резиденцияға қатысу аясындағы барлық шығынды өзі өтейді. Оған жұмыс істеуге арналған материал мен құралдарды сатып алу, жол ақысы, тұру, күніне үш мезгіл тамақ пен кір жуу қызметінің шығындары кіреді.

Резиденция аяқталғаннан кейін Атырау мен Астанада қатысушылардың туындылары көпшілік назарына ұсынылады. Өтінім қабылдау 19 маусымға дейін жалғасады.

Қазақстанның барлық қалаларынан, ауылдарынан және облыстарынан 22-40 жас аралығындағы өнерпаздардың қатысуға мүмкіндігі бар. Ол үшін [email protected] электрондық поштасына хат жіберу керек. Өтініште уәждеме хаты, түйіндеме, портфолио және бұқаралық ақпарат құралдары мен әлеуметтік желілердегі ескертулерге сілтемелерді қамтитын құжаттар пакеті болуы керек. Сондай-ақ хобби, сүйікті фильмдер, кітаптар немесе саяхат тәжірибесі туралы ақпарат құпталады.

Іріктеуден өткен қатысушы 26-27 шілдеде Атырауға сапарлап баруға, резиденция кезінде Атырау қаласында жүруге дайын болуы керек. Резиденция қазақ, орыс және ағылшын тілдерінде өтеді. Ағылшын тілін білу міндетті емес, дегенмен кез-келген деңгейде құпталады.

YEMAA Artist Residence — Қазақстанның түкпір-түкпірінен келген шығармашыл мамандарды біріктіретін кеңістік. Жас суретшілерге шығармашылық атмосфераны сезінуге, басқа әртістерімен танысуға, тәжірибе алмасуға және бірлесе өнер жобаларын жүзеге асыруға мүмкіндіктер ашады.